سری لنکا کے سرکاری عہدیداروں اور میڈیا شخصیات کیلئے میڈیا پلس میں ورکشاپ کا انعقاد

وزیر اعظم سری لنکا کے اڈوائزر کے بشمول اہم شخصیات کی شرکت

حیدرآباد۔6/ جولائی۔ سری لنکا حکومت کے اعلیٰ عہدیداروں، پرنٹ، الکٹرانک میڈیا سے وابستہ اہم شخصیات اور ماہرین تعلیم کیلئے سوشیل میڈیا پر ورکشاپ کا میڈیا پلس آڈیٹوریم میں 6/ جولائی کو انعقاد عمل میں آیا۔ انجینئر سید خالد شہباز نے اپنے توسیعی لکچر میں سوشیل میڈیا کے حال اور مستقبل پر تفصیل سے روشنی ڈالی اور سوالات کے جوابات دیئے۔ ڈاکٹر مری چناریڈی انسٹی ٹیوٹ آف ایچ آر ڈی نے اس کا اہتمام کیا تھا۔ سری لنکا کے اس وفد میں وزیر اعظم سری لنکا کے میڈیا اڈوائزر مسٹر سوگیسوراپی سہنادھیرا، میڈیا سکریٹری ڈپٹی اسپیکر سری لنکن پارلیمنٹ مسٹر ویلے کنکنا مگے پرسادمنجو، چیف ایڈیٹر سنڈے آبزرور پرمودڈی سلوا، میڈیا سکریٹری مرکزی صوبائی گورنر مہیشور ا مدھیکا بندارا کے علاوہ نیشنل ٹی وی چیانلس اور اخبارات کے ایڈیٹرس شامل تھے۔ سری لنکن وفد نے ورکشاپ پر طمانیت کا اظہار کیا۔

کیپشن:۔ میڈیا پلس آڈیٹوریم میں سری لنکن سرکاری عہدیداروں اور میڈیا سے وابستہ شخصیات کے ورکشاپ کے موقع پر لی گئی تصویر۔سید خالد شہباز بھی دیکھے جاسکتے ہیں۔