او تمہیں چاند پی لے جائیں

ہندوستان کے چاند پر قدم جمانے کی کوششوں کو پہلی کامیابی اس وقت ملی جب اسرو کے مشن چندریان۔3 کی لانچنگ کامیاب رہی۔
بہوبلی ریاکٹ نے 14/جولائی کو سری ہری کوٹہ کے ستیش دھون خلائی مرکز سے چندریان3کے ساتھ اڑان بھری اور عین مدار میں وہ داخل ہوگیا تو ہندوستان کے سواسو کروڑ عوام کے سر فخر سے اونچے ہوگئے۔ البتہ انہیں بے چینی سے چاند کی سطح پر کامیابی کے ساتھ اس کی لینڈنگ کا انتظار ہے۔
2019ء میں چندریان2 چاند کی سطح پر اُترنے میں ناکام رہا تھا جس کی وجہ سے نہ صرف اسرو کی ٹیم بلکہ تمام ہندوستانی مایوس ہوئے تھے اور ہندوستان کے دشمن ممالک جشن منانے لگے تھے۔
23یا 24/اگست کو اگر چاند کی سطح پر چندریان 3 کامیابی کے ساتھ اُترجاتا ہے تو وہ امریکہ، چین اور سابق سویت یونین کے بعد چوتھا ملک بن جائے گا۔
چندریان3 ایک سو 30ہاتھیوں کے وزن کے برابر ہے اور اُسے لے جانے والا بہوبلی راکٹ کی اونچائی قطب مینار سے بھی زیادہ بلند ہے۔
میدھانی‘ جو ڈیفنس پبلک سیکٹر یونٹ ہے‘ اس نے لانچنگ ریاکٹ کو تیار کیا ہے اور اس کے لئے مواد فراہم کیا ہے۔اس پراجکٹ کی کامیابی سے ہندوستان کی اسپیس فلائٹ کی صلاحیت کا مظاہرہ ہوگا۔ توقع ہے کہ اِسرو کا گگن یان پراجکٹ
تین خلا بازوں کو 400کلو میٹر کے مدار پر تین دن کے لئے اُتارے گاا ور پھر اُسے کامیابی کے ساتھ بحفاظت زمین پر لے آئے گا۔ اور اس کی لینڈنگ بحرہند میں ہوگی۔
ہندوستان کے اس کامیاب مرحلے پر ہر سیاسی جماعت نے مسرت و طمانیت کا اظہار کیا ہے اور اِسرو کی ٹیم کو مبارکباد پیش کی ہے۔ ہندوستان کے اس مشن پر ترقی یافتہ اور ترقی پذیر ممالک کی نظر ٹکی ہوئی ہے یہاں یہ بات قابل ذکر ہے کہ زمین اور چاند کے درمیان کا فاصلہ
3لاکھ 84ہزار 800 کلو میٹر ہے۔
سارے ملک کی دعائیں اس پراجکٹ کی کامیابی کے لئے ہیں۔