ایرانی حملوں کے خلاف سعودی عرب اور یو اے ای نے اسرائیل سے خفیہ انٹلیجنس معلومات شئیر کیں:وال اسٹریٹ جرنل کا دعویٰ

اسرائیل نے دعویٰ کیا ہے کہ وہ ایران سے داغے گئے زیادہ تر میزائل اور ڈرون پہلے ہی تباہ کر چکا ہے۔لیکن اب وال سٹریٹ جرنل کی رپورٹ میں انکشاف کیا گیا ہے کہ اسرائیل ایران کے حملوں کے لیے پہلے سے تیار تھا، کیونکہ عرب ممالک نے تہران کے حملے کے منصوبوں کے بارے میں خاموشی سے انٹیلی جنس معلومات فراہم کر دی تھیں۔ عرب ممالک نے ایرانی حملے کی اطلاع دی تھی۔
وال اسٹریٹ جرنل نے امریکی حکام کے حوالے سے بتایا کہ عرب ممالک نے اپنی فضائی حدود کو لڑاکا طیاروں کے لیے کھول دیا، ریڈار کی نگرانی کی معلومات شیئر کیں اور بعض صورتوں میں مدد کے لیے اپنی فوجوں کی خدمات بھی فراہم کیں۔ سعودی اور مصری حکام نے اطلاع دی ہے کہ ایران کے حملے کا فیصلہ کرنے کے بعد، امریکی حکام نے علاقائی عرب حکومتوں پر دباؤ ڈالا کہ وہ تہران کے منصوبوں کے بارے میں انٹیلی جنس شیئر کریں، ساتھ ہی اسرائیل کی طرف داغے گئے ڈرونز اور میزائلوں کو روکنے کے لیے اس پر دباؤ ڈالنا شروع کر دیا۔ متحدہ عرب امارات اور سعودی نے معلومات شیئر کی تھیں۔
رپورٹ کے مطابق بعض عرب حکومتوں کی جانب سے ابتدائی ردعمل محتاط تھا۔ انہیں خدشہ تھا کہ اسرائیل کو دی جانے والی امداد انہیں براہ راست تنازع میں لے جا سکتی ہے اور ایران سے جوابی کارروائی کا خطرہ ہے۔
تاہم، امریکہ کے ساتھ مزید بات چیت کے بعد، متحدہ عرب امارات اور سعودی عرب نے نجی طور پر انٹیلی جنس شیئر کرنے پر اتفاق کیا، جب کہ اردن نے کہا کہ وہ امریکی اور دیگر ممالک کے جنگی طیاروں کو اپنی فضائی حدود استعمال کرنے کی اجازت دے گا اور یہاں تک کہ ایرانی خطرات کو روکنے میں مدد کے لیے اپنے طیارے بھی استعمال کرے گا۔ حکام کے مطابق، برسوں کی امریکی کوششوں کے نتیجے میں ایک مربوط آپریشن ہوا جس نے سیاسی اور تکنیکی رکاوٹوں کو توڑ دیا جو پہلے اسرائیل اور اتحادی عرب حکومتوں کے درمیان فوجی تعاون کو روکتی تھیں۔ کہا جاتا ہے کہ نیٹو کے مشرق وسطیٰ کے ورڑن کے بجائے، امریکہ خطے میں کم رسمی فضائی دفاعی تعاون پر توجہ مرکوز کر رہا ہے تاکہ love تہران کے ڈرون اور میزائلوں کے بڑھتے ہوئے ہتھیاروں کو ختم کیا جا سکے۔