عمرہ کے بہانے کوسی کمشنری کے علماء اور حفاظ کے چہروں پر مسکان لانے کی کامیاب کوشش

محبوب العلماء جناب حفیظ اللہ شریف کا دلی شکریہ۔ شاہنواز بدر قاسمی
30/اپریل 2023 کو ضلع سہرسہ کے جامعہ اصلاح البنات بوہروا کے پرشکوہ ہال میں میں مقامی علماء کے چہروں پر مسکان لانے کیلئے ”پیام انسانیت و مقام علماء کانفرنس“ کا انعقاد کیا گیا جس میں بنگلور سے تشریف لائے حاجی حفیظ اللہ شریف صاحب کے ذریعے زیارت حرمین شریفین (عمرہ) کیلئے الحمدللہ ہمارے علاقے کے 20 علماء، ائمہ و حفاظ کا نام قرعہ اندازی کے ذریعے منتخب کیاگیا-
اس پروگرام میں شریک تمام علماء اور ائمہ کو خوش دیکھ کر بیحد خوشی ہوئی، اس نوعیت کے پروگرام بہت کم دیکھنے کو ملتے ہیں، بہت دنوں بعد مقامی سطح کے اکثر علماء سے ملنے جلنے اور تعارف کا موقع ملا-اس موقع پر ضلع سہرسہ، سوپول، مدھے پورہ، دربھنگہ سمیت دیگر اضلاع کے علماء کرام اور ائمہ حضرات نے بڑی تعداد میں شرکت کی، جس میں پٹنہ جنکشن جامع مسجد کے امام مولانا محمد اسعد قاسمی، مولانا ضیاء اللہ ضیاء رحمانی، قاری رضوان، مولانا طاہر قاسمی، قاری نوراللہ نعمانی، مولانا آفتاب ندوی، مفتی جعفر امام وغیرہ کے نام قابل ذکر ہیں۔عمرہ کیلئے منتخب کئے گئے تمام حضرات کو گلدستہ پیش کرکے ان کی حوصلہ افزائی کی گئی۔اس شاندار اور کامیاب پروگرام کے انعقاد کیلئے بانی ادارہ جناب مولانا محمد مجیب رحمانی صاحب، مہتمم جناب نجم الہدی صاحب، مفتی معراج صاحب اور مولانا نظام الدین اشاعتی سمیت تمام منتظمین کو دلی مبارکباد۔