کوارڈینل ایشین گیمز2023جو چین کے شہر ہانگزومیں 23ستمبر سے 8اکتوبر تک اولمپک کونسل آف ایشیاء (OCA)کے زیر اہتمام منعقد ہوئے تھے‘ ہندوستان نے شاندار مظاہرہ کرتے ہوئے میڈلس ٹیبل پر چوتھا نمبر حاصل کیا۔ ہندوستان نے 28گولڈ میڈلس‘ 38سلوراور 41براؤنز میڈلس کے ساتھ جملہ 107 میڈلس حاصل کرنے میں کامیاب رہا۔
میزبان چین 201گولڈ‘ 111سلور اور 71برونز میڈل حاصل کرکے نمبر ایک کی جگہ پائی جبکہ جاپان 52گولڈ میڈلس‘ 67سلورمیڈل‘ 69 براؤنز میڈلس کے ساتھ دوسرے نمبر پر۔ اور ریبپلک آف کوریا نے 42گولڈ‘ 59سلور‘ 89 براؤنزمیڈلس حاصل کرتے ہوئے تیسرے نمبر پررہے جبکہ پڑوسی ملک پاکستان میڈلس ٹیبل پر 31ویں نمبر پر ہے۔پاکستان گولڈ میڈل حاصل کرنے میں کامیاب تو نہیں ہوپایا‘مگراسے 1سلور اور 2براؤنز پر ہی اکتفاء کرنا پڑا۔پاکستان مسلسل دوسری مرتبہ ایشین گیمز میں کوئی گولڈ نہ جیت سکا۔ ایونٹ میں پاکستان کے 190ایتھلیٹس نے 24مختلف کھیلوں میں شریک ہوئے تھے۔کرکٹ اورہاکی میں پاکستان کی مایوس کن کارکاردگی رہی‘ ہاکی ٹیم پہلی بار ایشین گیمزکے سیمی فائنل تک بھی نہیں پہنچ پائی۔
ایشین گیمزکی تاریخ میں پہلی مرتبہ ہندوستان نے ائیررائفل شوٹنگ اور خواتین کرکٹ میں گولڈ میڈل جیتا ہے۔ یہ ہندوستان اور ہندوستانی کھلاڑیوں کیلئے ایک بہت بڑی کامیابی ہے۔ہندوستان نے 41سال کے بعد گھوڑسواری کے کھلیوں میں سلورمیڈل جیتا ہے۔ پارول چودھری جنہوں نے خواتین کی 500میٹر میں جیت دلانے والی ہندوستان کی پہلی خاتون بن گئی ہے۔ہندوستان نے مینس ہاکی میں گولڈ میڈل لیکر تاریخ رقم کی ہے اور اس نے پیرس اولمپک کیلئے کوالیفائی بھی کیا۔ ہندوستان کا ہاکی میں یہ چوتھا گولڈمیڈل ہے۔